Da kongresa – 14 dīnu

Kongresam īsnāgts ap 80 prīšklykumu kongresa rezolucejai. Itamā šaļtī Saīta rezolucejis izpiļdis komiteja (SaRIK) sadarbeibā ar Latgolys planavuošonys regionu i piļsūniskajom organizacejom rauga apkūpuot prīšklykumus, kab kongresā varātu pīduovuot puorskotomu i rysynomys problemys (eistermiņā i ilgtermiņā) īkļaunūšu dokumentu.
11. aprelī Rēzekni apmeklēja Vaļsts prezidenta kancelejis puorstuovi, aplīcynojūt, ka Latvejis Vaļsts prezidents 27. aprelī pīsadaleis Latgolys kongresa atkluošonys pasuokumā, atkluos jū.
Vyss pasauļs sekoj nūtykumim Ukrainā, sevkurs saprūt, ka situacejis atteisteiba karā ir naprognozejama, tok sovu gataveibu pīsadaleit 28. apreļa diskusejuos ir aplīcynuojs Ukrainys viestnīks Latvejā Oleksandrs Miščenko. Atguodynojam, ka gadīnī naesi pīsasacejs kongresam, 28. apreļa zynuotniskuos diskusejis varēs vāruot ari attuolynuoti.
28. aprelī pļkst. 19.00 kongresa delegati apmeklēs teatra studejis “Joriks» izruodi “Muols», īsadzilinojūt i puordūmojūt amatnīceibys (itūreiz – pūddarnīceibys) lūmu Latgolys kulturys telpā.
Aktualuo informaceja par Latgolys kongresu – sātyslopā www.latgolyskongress.lv.