Nu redakcejis.

Cīnejūt KOTRU sovu latgaliski losūšu i rokstūšu laseitōju, paskaidrojam, ka avīzis regularajā tematiskajā puslapeņā «Byusim vītejī» izmontojam ō (ar garumzeimi), na divskani uo. Tys teik dareits, lai taupeitu vītu rokstim.

Ari LR Tīslītu ministrejis Vaļsts volūdys centrā 2007. goda 28. septembrī pījimtajūs i apstyprynōtajūs «Latgalīšu pareizraksteibys nūsacejumūs» ir atļauts izmontōt obus pīroksta variantus, viņ īvārojūt konsekvenci. Ari rodūšōs aktivitatis afišā īvārojam konsekveņci, lai mynātī grōmotu salykumi saskanātu ar afišys tekstu!

Avīzis primarais mierkis ir atspūguļot realū situaceju vysā, tymā skaitā latgalīšu rokstu volūdā. Tū ari dorom, jo jūprūjom Latgolā lītoj obus pīroksta variantus. Tymā pošā laikā respektejam mynātūs nūsaciejumus (tū pīrōda avīzē publicātī materiali ar divskani uo, jo tai roksta teksta īsnīdziejs!).

Svareigōkais rysynomais vaicōjums jūprūjom ir par tū, lai cylvāki vyspōr runōtu latgaliski, lai īspiejami vairōk školōs vuicātu itū volūdu (darātu publiska statistika par tū, cik školōs niule tys reali nūteik!). Nasaverūt iz pādejō laika daudzajim izdavumim, aktivitatem i pasōkumim, dīmžāl situaceja ir biedeiga, jo daudzvīt Latgolā latgalīšu volūdu uzskota par eksotiku voi vēļ švakōk – par interešu izgleiteibu! (Par tū rakstējam arī VLA slejōs!)

Tī ir primarī vaicōjumi – par volūdys realajim lītōtōjim tagad i nōkūtnē, navys narymstūšī streidi par ō voi uo lītōjumu! Byuteibā itys streids ir kuļtiviejs tū, ka latgaliski teik rakstāts aizvīn mozuok (roksti, ar kuru o gribi, tu sajimsi dunci mugurā).

Del tō aicynojam: nauzstōdeisim vīns ūtram praseibys, vīnkōrši, pyrmkōrt, runōsim latgaliski, ūtrkōrt, pa mozam vuiceisimēs ari raksteit latgaliski! Paļdis tim, kas tū jau dora i izprūt realū situaceju!